2015 جىلعى 19 اقپان, استانا, ۇكىمەت ءۇيى
«قازاقستان رەسپۋبليكاسىنىڭ داڭق كىتابى تۋرالى» قازاقستان رەسپۋبليكاسى ۇكىمەتىنىڭ 2010 جىلعى 8 ماۋسىمداعى
№ 538 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسىنىڭ داڭق كىتابى تۋرالى» قازاقستان رەسپۋبليكاسى ۇكىمەتىنىڭ 2010 جىلعى 8 ماۋسىمداعى № 538 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., № 37, 318-قۇجات) مىناداي وزگەرىستەر ەنگىزىلسىن:
3 جانە 4-تارماقتار مىناداي رەداكتسيادا جازىلسىن:
«3. قازاقستان رەسپۋبليكاسى مادەنيەت جانە سپورت مينيسترلىگى داڭق كىتابىن قاجەتتىلىگىنە قاراي كەيىننەن دايىنداۋدى جانە ونى قازاقستان رەسپۋبليكاسى مادەنيەت جانە سپورت مينيسترلىگىنىڭ «قازاقستان رەسپۋبليكاسىنىڭ ۇلتتىق مۇراجايى» رەسپۋبليكالىق مەملەكەتتىك قازىنالىق كاسىپورنىنا بەرۋدى قامتاماسىز ەتسىن.
4. قازاقستان رەسپۋبليكاسى مادەنيەت جانە سپورت مينيسترلىگىنىڭ «قازاقستان رەسپۋبليكاسىنىڭ ۇلتتىق مۇراجايى» رەسپۋبليكالىق مەملەكەتتىك قازىنالىق كاسىپورنى داڭق كىتابىن جۇرگىزۋگە جانە ساقتاۋعا جاۋاپتى بولىپ بەلگىلەنسىن.»;
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ داڭق كىتابىن جۇرگىزۋ جانە ساقتاۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2015 جىلعى 19 اقپانداعى №76 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2010 جىلعى 3 ماۋسىمداعى № 538 قاۋلىسىمەن بەكىتىلگەن
قازاقستان رەسپۋبليكاسىنىڭ داڭق كىتابىن جۇرگىزۋ جانە ساقتاۋ
ەرەجەسى
1. جالپى ەرەجەلەر
1. وسى قازاقستان رەسپۋبليكاسىنىڭ داڭق كىتابىن جۇرگىزۋ جانە ساقتاۋ ەرەجەسى (بۇدان ءارى – ەرەجە) «قازاقستان رەسپۋبليكاسىنىڭ مەملەكەتتىك ناگرادالارى تۋرالى» 1995 جىلعى 12 جەلتوقسانداعى قازاقستان رەسپۋبليكاسى زاڭىنىڭ 34-بابىنا سايكەس ازىرلەندى جانە قازاقستان رەسپۋبليكاسىنىڭ داڭق كىتابىن (بۇدان ءارى – داڭق كىتابى) جۇرگىزۋ جانە ساقتاۋ ءتارتىبىن بەلگىلەيدى.
2. داڭق كىتابىن جۇرگىزۋدى جانە ساقتاۋدى قازاقستان رەسپۋبليكاسى مادەنيەت جانە سپورت مينيسترلىگىنىڭ «قازاقستان رەسپۋبليكاسىنىڭ ۇلتتىق مۇراجايى» رەسپۋبليكالىق مەملەكەتتىك قازىنالىق كاسىپورنى (بۇدان ءارى – قازاقستان رەسپۋبليكاسىنىڭ ۇلتتىق مۇراجايى) جۇزەگە اسىرادى.
3. داڭق كىتابىنىڭ جۇرگىزىلۋى مەن ساقتالۋىن باقىلاۋدى قازاقستان رەسپۋبليكاسى مادەنيەت جانە سپورت مينيسترلىگى جۇزەگە اسىرادى.
2. قازاقستان رەسپۋبليكاسىنىڭ داڭق كىتابىن جۇرگىزۋ جانە ساقتاۋ ءتارتىبى
4. داڭق كىتابىن جۇرگىزۋ ەڭ جوعارى دارەجەلى ەرەكشەلىك بەلگىسىنە, «وتان» وردەنىنە نە «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ» وردەنىنە يە بولعان ادامداردى ماراپاتتاۋ تۋرالى جازبالاردى داڭق كىتابىنا ەنگىزۋدى قامتيدى. جازبا مەملەكەتتىك تىلدە جۇرگىزىلەدى.
5. جوعارى دارەجەلى ەرەكشەلىك بەلگىلەرىنە, «وتان» وردەنىنە نەمەسە «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ» وردەنىنە يە بولعان ادامدار تۋرالى اقپاراتتى (بۇدان ءارى – اقپارات) قازاقستان رەسپۋبليكاسى پرەزيدەنتىنىڭ وكىمشىلىگى (كەلىسىم بويىنشا) جوعارىدا كورسەتىلگەن مەملەكەتتىك ناگرادالاردى بەرۋ تۋرالى قازاقستان رەسپۋبليكاسى پرەزيدەنتىنىڭ جارلىعى قابىلدانعاننان كەيىن 30 جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنە جىبەرەدى.
6. قازاقستان رەسپۋبليكاسى مادەنيەت جانە سپورت مينيسترلىگى اعىمداعى جىلى الىنعان اقپاراتتى كەلەسى جىلدىڭ 1 ناۋرىزىنا دەيىن قازاقستان رەسپۋبليكاسىنىڭ ۇلتتىق مۇراجايىنا جىبەرەدى.
7. قازاقستان رەسپۋبليكاسىنىڭ ۇلتتىق مۇراجايى كەلەسى جىلدىڭ 1 مامىرىنا دەيىن داڭق كىتابىنا وسى ەرەجەنىڭ 5-تارماعىندا كوزدەلگەن اقپاراتتى قامتيتىن ماراپاتتالعان تۇلعالار تۋرالى جازبا ەنگىزەدى.
داڭق كىتابىنا جازبالاردى ەنگىزۋ جىلىنا ءبىر رەت جۇرگىزىلەدى.
8. داڭق كىتابى قازاقستان رەسپۋبليكاسىنىڭ ۇلتتىق مۇراجايىنىڭ مۇراجاي قورىنا ەنگىزىلەدى.
9. قازاقستان رەسپۋبليكاسىنىڭ داڭق كىتابى قازاقستان رەسپۋبليكاسىنىڭ ۇلتتىق مۇراجايىندا جەكە قويىلعان تۇعىرعا ورنالاستىرىلادى.
10. قازاقستان رەسپۋبليكاسىنىڭ داڭق كىتابىن جويۋعا جول بەرىلمەيدى.